॥ तुझे वेड लागू दे मला ॥

तुझे वेड लागू दे मला

आणिक काय मागू मी तुला , रे विठ्ठला ॥धृ॥

नको सोने ,चांदी , नको नाम वैभव

मुखी, माझ्या असू दे, सदा तुझे नाव

तुझ्या नावाचे ,वेड, लागू दे मला ,रे विठ्ठला ॥१॥

काय घेऊनी आलो , मी,काय घेऊन जाणार

तुझ्या साठी विठठला मी, अजन्म गाणार

तुझ्या गाण्याचे ,वेड ,लागू दे मला , रे विठठला ॥२॥

नको मोह - माया , नको हा पसारा

कशा साठी देवा, खेळ हा सारा

या खेळाची, दुनिया लई न्यारी , रे विठठला ॥३॥

नको अंत पाहू, घे समजून मजला

आलो, मी पामर, तुझ्या दर्शनाला

तुझ्या दर्शनाचे ,वेड ,लागू दे मला, रे विठठला ॥४॥

तुझे रूप , विठठला ,पाहू दे मला,

नको, अन्य काही ,तुजविण मजला

तुझ्या रूपाचे ,गोडवे ,गाऊ दे मला ,रे विठठला ॥ ५॥

लेखक - अशोक कुमावत

भ्रमणध्वनि - ९९६९५८४९६६

मुंबई -मालाड (पूर्व )

Email: ashokkumawat010@gmail.com

ही कविता कशी वाटली ? लाईक करा, कमेंट करा आणि व्हॉट्सअ‍ॅप, फेसबुकवर शेअर करा.