नियम व अटी
१. रोज किमान १० ते १२ किमी. पायी चालणे होईल.
२. सुमारे १०० जणांना प्रवेश दिला जाईल. प्रथम नोंदणी प्रथम प्रवेश या तत्त्वाने नोंदणी होईल. नोंदणी करताना सर्व व्यवस्था शुल्क एक रकमी भरावे लागेल.
३. निवासाच्या ठिकाणी राहण्याची सामुदायिक (एकत्रित) स्वरूपाची व्यवस्था आहे. पुरुषांची स्वतंत्र आणि महिलांची स्वतंत्र व्यवस्था असेल. (स्नान व स्वच्छतेसाठी सोयी सुविधा उपलब्ध आहेत.)
४. निवासाच्या ठिकाणी आजूबाजूच्या गावातील ग्रामस्थ, शेतकरी, बागायतदार  आणि प्रतिष्ठित व्यक्तींबरोबर चर्चा, संवाद, गप्पा-गोष्टी आणि विचारांची देवाण-घेवाण, ग्रामीण कलांचे सादरीकरण, असा सर्वसाधारण कार्यक्रम असेल. त्यांच्याशी मनमोकळ्या गप्पा मारत निसर्गरम्य परिसरात रमण्याची, शिकण्याची, आनंददायी अनुभव प्राप्त करणारी हि परिक्रमा आहे. निसर्गाच्या सानिध्यात डोंगर दऱ्यातून चालताना तळकोकणाचे अद्भुत सौंदर्य अनुभवायला मिळेल.
५. निवासाच्या ठिकाणी सतरंजीची व्यवस्था आहे. पांघरण्यासाठी बेडशीट , पातळ चादर आणावी.  आपापले ताट, वाटी चमचा, भांडे स्वतः आणायचे आहे. चहा, नाश्ता आणि कोकणातील स्थानिक शाकाहारी साधे घरगुती भोजन अशी व्यवस्था आहे.
६. परिक्रमेला सुरुवात करण्यासाठी शनिवारी दिनांक १६ मे रोजी सकाळी ९ वाजेपर्यंत साखरपा येथे पोहोचणे गरजेचे आहे. तुम्हाला स्वतःला कोकण रेल्वे, बस/इतर वाहनाने तिथे पोहचता येईल.
७. परिक्रमा संपन्न झाल्यावर प्रत्येक सहभागी व्यक्तिला सुमारे २००० शब्दांमध्ये परिक्रमेतील अनुभवांवर आधारित प्रवासवर्णन, लेख, कथा अशा प्रकारचे साहित्य लिहावे अशी अपेक्षा आहे. ( सक्ती नाही ) हे लेखन विश्व मराठी परिषदेतर्फे प्रकाशित केले जाईल. 
८. पुणे ते पुणे बस प्रवासासाठी वेगळी व्यवस्था उपलब्ध आहे. ज्यांना पुणे ते पुणे बस ने सोबत यायचे आहे त्यांना जाऊन येऊन सुमारे २५००/- रुपये अधिक खर्च येईल.
९. न्यायालीन मर्यादा- पुणे शहर न्यायक्षेत्र सीमा.