संधिकाल

Apr 1, 20211 min read

वेळा अशी ही सावळसुंदर होते दिन निशेमधील दुवा रंगांचा अद्भुत चालतो खेळ वाटे मोहक अन हवाहवा

प्रसन्न ज्योती समईतली धुपाचा दरवळ मंद मंद स्तोत्रांच्या गंभीर स्वरांनी पसरे गृहात चैतन्य आनंद

येण्याची परतून स्वसदनी पावलांना रोज आस नवी अन मनामनात उमेद जागी मिळो संधी उद्या एक नवी

छाया भासती गडद जराशा तमात सोबत त्याच करिती कातरवेळा मना भिवविता सोबतीचे हात आठविती

संधिकाल आयुष्याचाही असाच असो नितांत सुंदर आस लागे जीवनास ज्याची संधिकाली भेटावा योगेश्वर

विश्व मराठी परिषदेच्या व्हॉट्सअ‍ॅप लिस्टमध्ये सामील व्हा - 7066251262 हा व्हॉट्सअ‍ॅप क्रमांक सेव्ह करुन त्यावर Join VMP असा मेसेज पाठवा

विश्व मराठी फाऊंडेशन संचलित