महाराष्ट्राचा मी एक पाईक शाहीर माझे नाव;
हाती लेखणी धरुनी करी समशेरीचे घाव!
शिवशंभूच्या कर्तृत्वाने पावन झाली इथली माती;
त्या मातीचा लावू टिळा आज शंभूच्या नावे माथी!
सह्याद्रीचा काळा पत्थर उभा राहिला पाठीशी'
देतो स्फूर्ती शूरवीरांना रक्षा या महाराष्ट्राशी!
एकचि बाणा असे आमुचा सांगे राम आम्हास;
शिकवण ठेवोनि ध्यानी त्यांची करितो सायास!
सिंह ज्यांचा तो गर्जला सबंध भारत वर्षात;
केली होती ज्यांनी मदांध इंग्रजांवरती मात!
असा माझा महाराष्ट्र ! आहे काय कमी ह्यात?
पुण्यत्वाची वसली नगरे माझ्या मायभूमीत !
कवी: पुंडलिक गवंडी (अहमदनगर) मो: - ९२७२१३५९११
ईमेल: pcgawandi@gmail.com
नविन ब्लॉगचे नोटिफिकेशन येण्यासाठी विश्व मराठीच्या ईमेल लिस्टला सबस्क्राइब करा.