आमचे कोकण

कोकण कोकण आमचे कोकण

असे नैसर्गिक सौंदर्याची खाण

गर्वाने सांगतलो कोकणी

माणूस

"येवां कोकण आपलाच आसा" !

सागरी संपत्तीची नसे वानवा

मत्स्यखाद्यप्रेमी असे कोकणी बुवा

आंबा,काजू, फणस रेलचेल

दिसे उन्हाळ्यात

दरवळे सुगंध ह्यांचा सार्‍या

आसमंतात !

स्वाभिमानी बाणा भरला, ह्यांच्या नसानसांत

परी अतिथीचे स्वागत,

प्रेमाने होतसे घराघरांत !

पारंपारिक खाद्यपदार्थांची,

ओळख गृहीणी करून देती

आंबोळी,पातोळी,कोंबडी-वडे, शिरवळ्या-गुळरसाचा,

देती आस्वाद मेजवानींचा

तृप्त होती अतिथी,स्वाद चाखूनी गृहीणीच्या हातचा !

घरगुती खानावळी चालती

कोकणात दारोदारी

अस्सल मालवणी जेवणाची

मजा घरच्या खानावळीत न्यारी

व्यवहार नसे तिथे, मायेची

फोडणी असे भारी !

आयुष्यात एकदातरी, अनुभूती घ्यावी प्रत्येकाने

स्वर्गसुखाची अनुभूती येई

प्रत्यक्षात, कोकणच्या वैभवाने

आठवणीत त्या रमून जातो

येणारा, परतूनी येण्या कोकणात

पायची निघत नसे तेथूनी,

नैसर्गिक वैभव पाहूनी कोकणचे,जाती डोळे दिपूनी !

पुष्पा सामंत.

नाशिक 27-10-2020.

Samant1951@hotmail.com

ही कविता कशी वाटली ? लाईक करा, कमेंट करा आणि व्हॉट्सअ‍ॅप, फेसबुकवर शेअर करा.