top of page

बेभान



बर्फाच्या तटी उभा ठाकलो

रक्षण करण्या मातेचे,

क्रूर शत्रूशी लढण्या आलो

वीर पुत्र आम्ही देशाचे ||


एक दिनी परि घाला पडला

संकट आले धावूनी

तोफ कडाडे, वीज कोसळे

वॄक्षही पडले उन्मळूनी

घाताला प्रतिघात चढविला

निशाण चढवू यशाचे

क्रूर शत्रूशी लढण्या आलो

वीर पुत्र आम्ही देशाचे ||


आग ओकती डोळे आणि

वज्र परजले वेगाने,

भान हरपूनी लढलो तेव्हा

रक्त सांडले शत्रूचे

शूरवीर मावळे आम्ही

झुंज दिली बेभानपणे,

विजयश्रीला खेचून आणली

वीर पुत्र आम्ही देशाचे ||

जयहिंद, जयहिंद, जयहिंद ||



कवयित्री: सौ. सीमा आठवले

मो: 9423568842


 

विश्व मराठी परिषदेच्या व्हॉट्सअ‍ॅप लिस्टला सामील होण्यासाठी आमचा 7066251262 हा क्रमांक सेव्ह करुन त्यावर Join VMParishad असा मेसेज पाठवा.

67 views0 comments

Recent Posts

See All

Commentaires


टीप: विश्व मराठी परिषदेच्या ब्लॉगवरील पोस्ट केलेल्या सर्व लेखक / कवींच्या साहित्यामधील विचार हे लेखकांचे स्वत:चे आहेत. त्यासंदर्भात विश्व मराठी परिषद सहमत असेलच असे नाही.
bottom of page