शिक्षक जगला पाहिजे
पिढ्यामागून पिढ्या घडवणारा
शिक्षक टिकला पाहिजे
आधुनिक काळाच्या खडतर आव्हानांपुढे
तो झुकला नाही पाहिजे
ज्ञान दानाचा वसा घेतलेला
शिक्षक जगला पाहिजे
तंत्रज्ञानाच्या वावटळीत तो
उत्तम तगला पाहिजे
साधेपणाने वागत राहणारा
शिक्षक सन्मानाने राहिला पाहिजे
मुला बाळांना घडवणारा तो
शिक्षक मनामनात बसला पाहिजे
समाज घडवणाऱ्या शिक्षकांप्रती
कृतज्ञ असले पाहिजे
शिक्षकाचे स्थान उच्च राखण्याइतके
सुज्ञ असले पाहिजे
तरुण मनांना घडवणार्‍यांचे
महत्त्व मानले पाहिजे
साधेपणातल्या गुरुतत्वाचे
सत्व जाणले पाहिजे
समाजाला दिशादर्शक शिक्षक
दिपस्तंभ समजला पाहिजे
नवीन पिढ्या घडवणारा तो
अमृतकुंभ उमजला पाहिजे
आयुष्यभर शिल्पे घडवणार्‍याला
ध्यानात घेतले पाहिजे
मातीतून मडकी घडवणार्‍याला
ज्ञानात राखले पाहिजे
आयुष्यभर झिजणार्‍या शिक्षकास
चंदनासम जाणून घ्यावे
पवित्र त्या गुरु जनास
वंदन करत जावे
गुरुजनांच्या कार्याची आठवण
मनोमन आठवावी
गुरु माऊलीच्या उपकाराची जाण
हृदयामध्ये साठवावी
स्पर्धेच्या या युगात शिक्षक
नीट जगला पाहिजे
सेवाभावात जगणार्‍याशी समाज
नीट वागला पाहिजे
शिक्षण बाह्य कामापासून तो
दूर असला पाहिजे
शिक्षणासाठीच शिक्षक हा
सूर असला पाहिजे
तंत्रज्ञानाचे धडे त्या कडून
गिरवून घेतले पाहिजेत
तंत्रज्ञानाचे प्रयोग त्याकडून
करवून घेतले पाहिजेत
तंत्रज्ञानाच्या वादळातही शिक्षक
नीट टिकून राहील
परंपरा आणि आधुनिकतेच्या मिलापात
शिक्षण उजळून जाईल
कवी: राजेंद्र झुंजारराव
ईमेल:rsz.modern@gmail.com
कविता आवडल्यास कमेंट करा आणि शेअर करा.
विश्व मराठी परिषदेच्या व्हॉट्सअ‍ॅप लिस्टला सामील होण्यासाठी आमचा 7066251262 हा क्रमांक सेव्ह करुन त्यावर Join VMParishad असा मेसेज पाठवा.