top of page

अहंकाराचा कर्दनकाळ



एवढ्याश्या या विषाणूनं । अहंकाराला पळवून लावलं

पृथ्वीसकट माणसाला । डोळयांदेखत कैद केलं


किती हा काळ ! कर्दनकाळ !! जीवघेणा सर्वकाळ ?

एकांताच्या कोंडवाड्यात । शांतिदूत प्रलयकाळ..?


पांढरा-हिरवा-गडद लाल । काटेरी मुकूट कुठून आला ?

सर्वच ग्रहगोलांची । भविष्यवाणी तोच झाला..!!


रख्ख उन्हाच्या रांगोळीतही । झाडं कापली माणसांवाणी

उजाड काया.. उजाड रया । खाक केली जंगले ज्यांनि..!!


निसर्गावरचा विजय हा । निश्चितच मुजोर होता

पृथ्वीवरच घाव घालत । कुठला आत्मा जळत होता .. ?


टॉवरवरच्या टॉवरवरती । घरटी आपली बांधू चला

ही तर चंद्र-मंगळाची नांदी । पाखरांसोबत नांदू चला


शीतयुद्ध हे जैवयुद्धाशी । कुठेच आकांड-तांडव नाही

अवकाशाचे सम्राट जे-ते । त्यांनाही भोग चुकला नाही


विश्वंभराचा सैरभैर मेंदू । एकांतातही भ्रमिष्ट होता

तेहतीस कोटी देवआत्मा । कुठल्या कुलूपात बंदिस्त होता ..?


जातीधर्माच्या मोडून शिड्या । नाना रंग हे एक दिसू दे !

लाल रंगाला चटावलेले । एकाच सूर्यात विलिन होऊ दे..


माझ्यातला मी दुषित आत्मा । माणूसकीचे स्त्रोत फवारून ;

निर्जंतुकीकरण करून घेतो

अहंकाराच्या षडरिपूंना । माणूस म्हणून विराम देतो


एवढ्याशा या विषाणूला । पृथ्विगोलासह शरण जातो

कर्दनकाळाचा अहंकार मी । तुझ्याच बिंदूत विलिन होतो ..



कवी: विलास माळी, गडहिंग्लज, (जि. कोल्हापूर)

मो.: ९४२२०३३८४०

ईमेल: vilas3375@gmail.com


 

विश्व मराठी परिषदेच्या व्हॉट्सअ‍ॅप लिस्टला सामील होण्यासाठी आमचा 7066251262 हा क्रमांक सेव्ह करुन त्यावर Join VMParishad असा मेसेज पाठवा.

Recent Posts

See All
'जात' म्हणजे काय?

जात म्हणजे जन्मत:च तुम्हाला जे जे मिळतं ते तुमचं 'जात' असतं. जात हा शब्द संस्कृत .. जन .. जा या धातूपासून आलेला आहे. जनन, जन्म, पूर्वज,...

 
 
 

1 Comment


Deepak Bhalerao
Deepak Bhalerao
Nov 25, 2020

कल्पना सुंदर आहे. आशय सुद्धा छान !

Like
टीप: विश्व मराठी परिषदेच्या ब्लॉगवरील पोस्ट केलेल्या सर्व लेखक / कवींच्या साहित्यामधील विचार हे लेखकांचे स्वत:चे आहेत. त्यासंदर्भात विश्व मराठी परिषद सहमत असेलच असे नाही.
Vishv Marathi Parishad logo transperent.

विश्व मराठी परिषद

कार्यालय  : ६२२, जानकी रघुनाथ, पुलाची वाडी, झेड ब्रिज जवळ, डेक्कन जिमखाना, पुणे, महाराष्ट्र - ४११००४
भ्रमणध्वनी : ७०३०४११५०६  | व्हॉटसअप : ७०६६२५१२६२ |  ईमेल : sampark@vmparishad.org
वेळ: सकाळी ११ ते सायं. ७ 
  • व्हॉटसअप
  • फेसबुक
  • इंस्टाग्राम
  • टेलिग्राम
  • युट्यूब चॅनेल
WhatsApp.png

© Vishwa Marathi Parishad

bottom of page