तुम्ही प्रभावी वक्ता बनू शकता का ? तुम्ही सभा गाजवू शकता का ?

तुम्ही नेतृत्व करू शकता का ? तुम्ही सूत्रसंचालन करू शकता का ?

तुम्ही यशस्वीरित्या कार्यक्रमांचे आयोजन करू शकता का ?

उत्तर : हो.... नक्की.... नक्कीच करू शकता...!

आजच्या जगात बोलता येणे, प्रभावी वक्तृत्व आणि अचूक संवादकौशल्ये ही जणू प्रत्येकाची गरज बनली आहे. बोलणाऱ्याची माती खपते आणि न बोलणाऱ्याचे सोनेही पडून राहते हे आपल्याला माहिती आहे. खरंतर बोलणची, संवाद साधण्याची उपजत इच्छा आणि उर्मी प्रत्येकाजवळ असते. मात्र कोणता तरी अनामिक अडथळा असतो. धाडस होत नाही. कुठून सुरुवात कराची, कशी सुरुवात कराची तेच कळत नाही. अनावश्यक दडपण येतं आणि मग राहूनच जातं...! खरंतर याचं कारण आहे मार्गदर्शनाचा अभाव. एखाद्या कार्यक्रमामध्ये आपण सहभागी होतो, व्याख्याने ऐकतो तेव्हा आपल्याला मनोमन वाटत असते की अरे! मलाही हे नक्की जमेल. मलासुद्धा वक्ता बनता येईल. मलाही चांगले सूत्रसंचालन करता येईल. मीही चांगल्या प्रकारे कार्यक्रमांचे आयोजन करू शकेन. पण हे स्वप्न प्रत्यक्षात येत नाही. कारण तसे मार्गदर्शन कुठे मिळत नाही. मग ती इच्छा तशीच मरून जाते आणि आपले आयुष्य सरून जाते...! याचाच विचार करून विश्व मराठी परिषदेने वक्तृत्व आणि संवादकौशल्ये, सूत्रसंचालन आणि कार्यक्रमांचे आयोजन या ऑनलाईन अभ्यासक्रमाची आखणी केली आहे. 15 वर्षावरील सर्व वयोगटांना डोळ्यासमोर ठेवून हा अत्यंत उपयुक्त असा अभ्यासक्रम तयार केला आहे. ​ या अभ्यासक्रमात काय शिकाल ? वक्तृत्वाची कला, सभाशास्त्र, व्याख्यानाची पूर्वतयारी, तयारीची साधने, विषयाची निवड, भाषणाचे नियोजन, सराव, रूपरेषा, भाषणाचे टिपण, भाषणाची प्रभावी सुरुवात, विषाची मांडणी, मुख्य गाभा, भाषणाचा विकास, श्रोत्यांशी संवाद, प्रत्यक्ष भाषण, पायाभूत कौशल्ये, कौशल्यविकास, आवाहनक्षमता, देहबोलीचे महत्व, सादरीकरण, संवाद म्हणजे काय?, प्रभावी संवादाचे महत्व, संवादकौशल्ये, संवादाचे घटक, संवादाची प्रक्रिया, श्रवण आणि श्रवण कौशल्ये, आत्मविश्वास, सूत्रसंचालन, प्रभावी सूत्रसंचालनाचे विविध पैलू, सूत्रसंचालनाचे नियोजन, टिपण, उत्तम सूत्रसंचालनाची वैशिष्ट्ये, कार्यक्रमांचे कुशल आयोजन, व्यासपीठ नियोजन इत्यादी. ​