5) निवासाच्या ठिकाणी आजूबाजूच्या गावातील ग्रामस्थ, शेतकरी आणि प्रतिष्ठित व्यक्तींबरोबर चर्चा, गप्पा-गोष्टी आणि विचारांची देवाण-घेवाण, ग्रामीण कलांचे सादरीकरण, ग्रामीण खेळ असा उपक्रम असेल. राष्ट्रीय कीर्तनकार चारुदत्तबुवा आफळे, ज्येष्ठ गझलकार म.भा. चव्हाण, लेखक अतुल कहाते, नीलिमा बोरवणकर असे काही प्रसिद्ध साहित्यिक / कलाकार परिक्रमेत सहभागी होणार आहेत. त्यांच्याशी मनमोकळ्या गप्पा मारत निसर्गरम्य परिसरात चालण्याची आनंददायी अशी ही संधी आहे.

​

6) निवासाच्या ठिकाणी आपले अंथरूण पांघरूण स्वतः आणायचे आहे. ताट, वाटी व्यवस्था आहे. चहा, नाश्ता आणि कोकणातील स्थानिक शाकाहारी साधे घरगुती भोजन अशी व्यवस्था आहे.

​

7) परिक्रमेला सुरुवात करण्यासाठी शुक्रवारी दिनांक २८ ऑक्टोबरला दुपारी ३ वाजेपर्यंत साखरपा जि. रत्नागिरी येथे स्वखर्चाने पोहोचणे अपेक्षित आहे. पुणे ते साखरपा सशुल्क वाहन व्यवस्था करण्यात येणार आहे. तुम्ही स्वतः ही कोकण रेल्वे, बस / इतर वाहनाने तिथे पोहचू शकता. एसटीने साखरपा हे स्थानक तर  रेल्वेने येण्यासाठी विलवडी हे जवळचे ठिकाण आहे. कोकणकन्या आणि तुतारी या रेल्वेगाड्या विलवडी स्थानकावर थांबतात. तिथून प्रभानवल्ली हे अंतर २० किमी. आहे. रिक्षा जीप अशी वाहने उपलब्ध असतात. 

​

8) सर्वात महत्त्वाचे - परिक्रमा झाल्यावर प्रत्येक सहभागी व्यक्तिला सुमारे २००० शब्दांमध्ये परिक्रमेतील अनुभवांवर आधारित प्रवासवर्णन, लेख, कथा अशा प्रकारचे साहित्य लिहावे अशी अपेक्षा आहे. हे लेखन विश्व मराठी परिषदेतर्फे प्रकाशित केले जाईल. 

​

9) या उपक्रमाचे आयोजक विश्व मराठी परिषद ही संस्था असून अखिल भारतीय साहित्य परिषद आणि इतर काही संस्था सहकार्य करीत आहेत. 

​

10 ) परिक्रमेमध्ये सहभागी होण्यासाठी वेबसाईटवर ऑनलाईन नोंदणी करावी. नोंदणीची अखेरची तारिख १५ ऑक्टोबर २०२२ ही आहे.