गिर्यारोहण, दुर्गभ्रमण, साहसी खेळ आणि त्यांचे आयोजन

युवक आणि साहस यांचे एक घनिष्ठ नाते आहे. फुरफुरणारे बाहू आणि अदम्य उत्साह यांना नेहमीच साहसी खेळ खुणावत असतात. तरुणपण हे पण काही फक्त वयाबरोबर निगडित नसते. अनेकदा वयाने जास्त असणाऱ्या ही व्यक्ती मोठ-मोठी साहसे आणि पराक्रम करताना दिसतात. प्रतापगड, रायगड, वासोटा, कोकणकडा, सिंधुदुर्ग इ. अनेक किल्ले, तेथे केले जाणारा दुर्गभ्रमण तसेच रॅपलिंग, रॉक क्लाइंबिंग, बंजी जम्पिंग, राफ्टिंग, रिव्हर क्रॉसिंग, पदभ्रमण, गिर्यारोहण इ. अनेक साहसी खेळांची नावे आपण ऐकलेली असतात. पण त्याबद्दल आपल्याला पुरेशी माहिती नसते. अगदी एव्हरेस्ट मोहिमेबद्दल आपण ऐकलेले असते. विश्व मराठी परिषदेने मुद्दाम ही विशेष कार्यशाळा आयोजित केली आहे. पहिल्या नागरीक एव्हरेस्ट मोहिमेचे संस्थापक आणि गिरी प्रेमीचे उमेश झिरपे आपल्याला मार्गदर्शन करणार आहेत. केवळ भारतातीलच आणि हिमालयातीलच नव्हे तर संपूर्ण विश्वातील विविध साहसी खेळांबद्दल आणि मोहिमांबद्दल ते आपल्याला माहिती देतील. याचबरोबर आपण आपल्या ठिकाणी दुर्ग मोहिमा कशा आयोजित करू शकता याबद्दल ते आपल्याला मार्गदर्शन करतील. साहसाची आणि मोहिमांची आवड असणाऱ्या सर्वांसाठी ही कार्यशाळा अत्यंत उपयुक्त आहे.