📚पृथ्वीवरील सर्व सजीव प्राण्यांमध्ये केवळ माणूसच वाचू शकतो. केवळ अक्षरओळख म्हणजे वाचन नव्हे. वाचनाद्वारे एखादा विषय समजून घेणे, त्यातून बौद्धिक आनंद मिळवणे, त्यातील ज्ञान आत्मसात करून आपले जीवन समृद्ध व यशस्वी बनविणे असे वाचनाचे अनेक स्तर आहेत. परीक्षेपुरते वाचन हा केवळ तत्कालीन वाचनाचा भाग आहे. आपल्या दैनंदिन जीवनासाठी सुद्धा उपयुक्त असणारे ज्ञान व अनुभव माणसाने लेखनाच्या स्वरूपात जतन करून ठेवले आहे.

👉 वाचन जीवनाचे मूलभूत कौशल्य : स्वामी विवेकानंद, मा. नरेंद्र मोदी, नारायण मूर्ती, वॉरेन बफे, एलॉन मस्क, बिल गेट्स अशा आपापल्या क्षेत्रात सर्वोच्च स्थानी असलेल्या व्यक्ती या उत्कृष्ट वाचक असल्याची अनेक उदाहरणे आपण पाहतो. ज्यांनी आपल्या यशस्वी जीवनासाठी वाचन ही सवय कारणीभूत असल्याचे अनेकदा जाहीरपणे सांगितले आहे.
वाचन हा फक्त विद्यार्थी किंवा शिक्षक यांच्यासाठीच आहे किंवा वाचन हा केवळ छंद आहे अशी एक संकल्पना नकळत रूढ झालेली आहे. वाचन हे शास्त्र आहे, उपयुक्त कला आहे जी आपण विकसित करू शकतो याची जाणीव आपल्याला नाही.

👉वाचन संस्कृती कमी झाल्याची ओरड सर्वत्र चालते, मात्र वर्षातून बोटावर मोजण्याइतपत काही दिवसांपुरते वाचन प्रेरणा दिन यासारखे काही उपक्रम सोडल्यास याकडे फारसे गांभीर्याने पहिले जात नाही. वाचन कला शास्त्रीयदृष्ट्या शिकविण्याची व्यवस्था आपल्याकडे नाही. म्हणूनच विश्व मराठी परिषदेतर्फे या अभिनव कार्यशाळेचे आयोजन केले आहे.

👉ही कार्यशाळा कोणासाठी?: सर्व वयोगटातील वाचक, विद्यार्थी, संशोधक/पीएचडी विद्यार्थी व मार्गदर्शक, शिक्षक, प्राध्यापक, भाषा, साहित्य, इतिहास मानव्यविद्याशाखेचे अभ्यासक, व्यावसायिक, शासकीय अधिकारी, गृहिणी व ज्या पालकांना आपला मुलांमध्ये वाचन कौशल्य विकसित करायचे आहे अशा पालकांसाठी आणि एकूणच सर्वांसाठी ही अत्यंत उपयुक्त कार्यशाळा

🟧 मार्गदर्शक : डॉ. नवनाथ तुपे सावित्रीबाई फुले पुणे विद्यापीठाच्या आजीवन अध्ययन आणि विस्तार विभागात प्राध्यापक पदावर कार्यरत आहे. आजपर्यंत त्यांनी तेरा ग्रंथ आठ संशोधन प्रकल्प पूर्ण केले असून त्यांचे राष्ट्रीय आंतरराष्ट्रीय नियतकालीकातून चाळीस पेक्षा जास्त शोधनिबंध प्रकाशित झाले आहे. यशवंतराव चव्हाण महाराष्ट्र मुक्त विद्यापीठ शिक्षणशास्त्र विद्याशाखा आणि महाराष्ट्र राज्य माध्यमिक शिक्षक प्रशिक्षक संघटना यांनी संयुक्त विद्यमाने पुरस्कृत केलेला उत्कृष्ट शिक्षणशास्त्र ग्रंथ पुरस्कार त्यांच्या “वाचन:दिशा आणि दृष्टीकोन” या ग्रंथाला मिळालेला आहे. शालेय आणि उच्च शिक्षण स्तरावरील त्यांना अध्यापनाचा ३६ वर्षाचा प्रदीर्घ अनुभव आहे. त्यांनी वेगवान वाचन, चिकित्सक वाचन आणि वाचन अध्यापन या विषयावर अनेक शिक्षक प्रशिक्षणे, कार्यशाळां, कृतीसत्रे घेतलेली आहेत.