आजचा प्रत्येक तरुण म्हणजे उद्याचा म्हातारा आहे ! आजच्या तरुणांना त्यांचे एक तृतीयांश आयुष्य ज्येष्ठ नागरिक म्हणून जगावे लागणार आहे. या तरुणांची म्हातारपणातील सर्वात मोठी समस्या म्हणजे भरपूर जगणं ही असणार आहे. त्यासाठी अत्यावश्यक आहे रिटायरमेंट प्लॅनिंग अर्थात निवृत्तीनंतरच्या जीवनाचे नियोजन आणि हे नियोजन शक्य तितक्या लवकर म्हणजे पंचविशीत - तिशितच सुरू करायला हवे. पस्तीशी - चाळीशी म्हणजे उशीर होईल आणि पंचेचाळीशी - पन्नाशी म्हणजे खूप खूप उशीर... ! आयुष्याची संध्याकाळ आनंदी करण्यासाठी आयुष्याच्या सकाळी सकाळीच म्हणजे तरुणपणातच गांभीर्याने काळजी घेतली पाहिजे. आले का लक्षात!

जगाचे सरासरी आयुर्मान वेगाने वाढत आहे. आधुनिक वैद्यकीय शास्त्र आणि हॉस्पिटल्समधील सुविधा यामुळे मृत्यूचे वय अधिक होत आहे. अशावेळी दीर्घकाळ - भरपूर मोठे आयुष्य ही एक मोठी समस्या बनणार आहे. सध्या जपान, युरोपियन राष्ट्रे आणि अमेरिकाही या समस्येचा सामना करीत आहे. भारत जरी आज युवकांचा देश असला आणि भारताचे सरासरी आयुर्मान २७ वर्ष असले तरी येत्या पंचवीस - तीस - चाळीस वर्षांनी भारतही म्हातारा होईल. तेव्हा प्रत्येक नागरिकासाठीही वैयक्तिक जीवनात फार मोठ्या समस्या निर्माण होतील. त्यांचा विचार करून त्यासाठी आत्ताच म्हणजे तरुणपणीच नियोजन करणे आवश्यक आहे. हे नियोजन आणि त्यासंबंधीचा विचार प्रत्येकाला करावा लागेल. मग तो गरीब असो का श्रीमंत, नोकरीत असो का व्यावसायिक, स्त्री असो की पुरुष, गृहिणी असो की विद्यार्थी हे सर्वांनीच लक्षात घेतले पाहिजे. वाढते वय आणि भरपूर जगणे याचबरोबर अजूनही खूप कारणे आहेत तरुणपणीच रिटायरमेंट प्लॅनिंग करण्याची. ती अशी १) कमी होत जाणारी मिळकत ( उत्पन्न ) २) वाढती महागाई ३) कमी होत जाणारे व्याज दर ४) वाढत जाणारा वैद्यकीय खर्च ५) एकत्रित कुटुंब पद्धतीचा ऱ्हास ६) वेगाने वाढणारे शहरीकरण ७) प्रदूषण आणि जागतिक समस्या ८) बदलती जीवनपद्धती ९) गतिमान जीवनशैली १०) पेन्शन नसणाऱ्या नोकऱ्या ११) वाढती कॉस्ट ऑफ लिव्हिंग १२) एकाकी होत जाणारी माणसं.

खरंतर आजच्या तरुणांना त्यांचे एक तृतीयांशहून अधिक आयुष्य जेष्ठ नागरिक म्हणून जगावे लागणार आहे. कारण इस २०२० ते २०५० दरम्यान सरासरी मृत्युदर एक ९० वर्षांहून अधिक असणार आहे ही कार्यशाळा प्रत्येकासाठी उपयुक्त आहे. विशेषतः २० ते ५० वयोगटातील लोकांसाठी अधिक उपयुक्त आहे. प्रा. क्षितिज पाटुकले हे जेष्ठ अर्थतज्ञ आपल्याला या कार्यशाळेमध्ये मार्गदर्शन करणार आहेत.