कुणासाठी अधिक उपयुक्त - खरतर सर्वांसाठी ... म्हणजे ज्यांना काही सृजनशील निर्मिती करावयाची अशा सर्वांसाठी आणि सर्व वयोगटातील व्यक्तींसाठी उपयुक्त कार्यशाळा.... आपल्या आजूबाजूच्या व्यक्ती, संस्था, ऐतिहासिक आणि सांस्कृतिक महत्वाच्या गोष्टी, प्रतिष्ठित व्यक्ती, कथा, कादंबरी, परंपरा, रूढी... अशा विविध गोष्टींवर आपण डॉक्युमेंटरी तयार करू शकता, आपण जगातील कोणत्याही विषयांवर लघु चित्रपट बनवू शकता.

शहाण्या आणि हुशार माणसांना सध्याच्या काळात लघुचित्रपट आणि डॉक्युमेंटरी निर्मिती मध्ये चांगली संधी आहे...कारण तंत्रज्ञान खूप सोपे झाले आहे... शॉर्टफिल्म / डॉक्यूमेंटरी / रील्स कशी बनवावी ?

आजचं युग हे डिजिटल युग आहे. माहितीचे वेगवान आदानप्रदान हे आजच्या काळाचे वैशिष्ट्य आहे आणि त्यासाठी अत्यंत सोपं असं तंत्रज्ञान आता उपलब्ध झालं आहे. पूर्वी कॅमेरा, फिल्म, व्हिडिओ कॅमेरा ही विशिष्ट लोकांची मक्तेदारी होती. मात्र आता डिजिटल क्रांतीने सर्व काही सोपे झाले आहे आणि प्रत्येकाच्या हातात आले आहे. स्मार्ट फोनने एक विलक्षण क्रांती केली आहे. त्याचबरोबर व्हॉट्सअप आणि यूट्यूबने आपल्याला संपर्काची आणि वितरणाची असंख्य दालने उघडून दिली आहेत. मात्र हे सर्व जरी खरे असले तरी बेसिक कौशल्य आवश्यक असते. यंत्रे आणि तंत्रज्ञान जरी सोपे आणि सहज उपलब्ध असले तरी ते कसे हाताळायचे ते कळणे आवश्यक असते. विविध माध्यमातून शॉर्ट फिल्म्स कशा बनवायच्या, डॉक्यूमेंटरी कशी तयार करायची, रेकॉर्डिंग कसे करायचे, एडिटिंग कसे करायचे, युजर्स कसे अॅड करायचे यासंबंधी बेसिक कौशल्ये सांगणारी ही एक विशेष कार्यशाळा विश्व मराठी परिषदेने आयोजित केली आहे. आपल्याला आपल्या शॉर्ट फिल्मद्वारे जो अचूक संदेश द्यायचा आहे त्याचा आकृतीबंध कसा तयार करायचा ? त्याची स्क्रिप्ट कशी तयार करायची, लोकेशन कसे शोधायचे, कलाकार, आवाज, संगीत कसे व कोणते वापरायचे ? कोणती एडिटिंग सॉफ्टवेअर वापरायची, कोणती ऑनलाइन उपलब्ध आहेत ? कोणती सशुल्क आणि कोणती निःशुल्क आहेत इ. सर्व बाबींविषयी या कार्यशाळेमध्ये मार्गदर्शन केले जाणार आहे. प्रसिद्ध दिग्दर्शक, संकलक आणि कॅमेरामन महेश शेंद्रे या कार्यशाळेमध्ये आपल्याला मार्गदर्शन करणार आहेत. गेली २७ वर्षे ते या क्षेत्रात कार्यरत आहेत.